Hagnýtar upplýsingar

Verkefnaskil
Nemendur eiga að ljúka öllum smærri og stærri verkefnum til að fá að fara í lokapróf. Þó er hugsanlegt að í sumum áföngum þurfi nemendur einungis að skila ákveðnum hluta verkefna.

Dyslexia
Nemendur sem greindir hafa verið með lestrar- og skriftarörðugleika (dyslexíu) og aðrir nemendur með skynjunarörðugleika eiga rétt á:

• lengri próftíma
• að fá próf lesin inn á hljóðsnældur
• að fá próf lesin fyrir sig
• að fá próf með stærra letri
• Aðstoð gæti einnig verið með öðrum hætti og færi þá eftir þörfum og óskum hvers og eins.

Dreifnám
Dreifnám (blanda af venjulegum kennslustundum og fjarkennslu) hefur verið til staðar í nokkrum áföngum í íslensku sem og öðrum greinum í FÁ. Gert er ráð fyrir að nemendur vinni hluta verkefna sinna gegnum vef íslenskudeildar og með tölvupósti. Nemendum er ætluð ein kennslustund (60 mínútur) á viku til þessara verka í þriggja eininga áfanga en ein kennslustund (40 mínútur) á vikur í tveggja eininga áfanga. Mikilvægt er að verkefnum sé skilað á tilsettum tíma samkvæmt fyrirmælum á kennsluáætlun. Gætið þess að fara ekki fram yfir þann frest án þess að gera kennara grein fyrir málum.